Politihkalasj vájkkudibme
Vuonarijka åvddånahttem- ja ålggorijkapolitihkka, aktan Vuonarijka æládusberustimijn vájkkudij ietjasa láhkáj åhpadimev ja åvddånahttemav Oarjján. SAIH la belludakpolitihka berustahtek organisasjåvnnå mij viggá vájkkudahttet Vuonarijka prosessajt ma vájkkudij åvddånahttemav Oarjján.
Solidaritiehttaorganisasjåvvnån sihtá SAIH tjalmostahttet ulmutjij viessomdilev Oarjján ja internasjonála struktuvrajda ja dahkamijda Nuorttan ma åvdedij ja tjuottjodij rievtesferdugahtes væráldav. Bargo baktu dáhppen Vuonarijkan, gaskosti SAIH Oajep barggoguojmij vuojnojt, ja aj gaskostij åhpadibme la ájnas åvddånahttemij, sihke Nuorttan ja Oarjján. SAIH tjuottjodij rijkajgasskasasj gatjálvisájt Vuonarijka universihtietajn ja allaskåvlåjn kampánjaj, semináraj ja ságastallamij baktu ja gå ilmodahtti ietjas studænnta- ja rijkamedian.
Viehkkedoarjjo aktu ij buvte rievtesferdugin væráldav dahkat. Boandás rijka Nuorttan hæhttuji rievddat politihkav mij nievres láhkáj vájkkut åvddånahttemav rijkajn Oarjján.