SAIH lea Norgga studeanttaid ja akademihkkariid iežas solidaritehta- ja veahkkeorganisašuvdna. Mii bargat oahpahusvehkiin, diehtojuohkimiin ja politihkalaš váikkuhemiin.

SAIH ásahuvvui 1961:s oassin norgga studeanttaid ja akademihkkariid antiapartheidáŋgiruššamis. Min čuorvvassáni, "oahpahus friddjandahkamii", mearkkašupmi lea ahte aktiivvalaš searvan buktá politihkalaš dihtomielalašvuođa ja -rievdama. Dál leat SAIH:s báikkálaš searvvit universitehtain ja allaskuvllain miehtá riikka. SAIH 11 báikkálaš searvvi norgga universitehtain ja allaskuvllain miehtá riikka lágidit digaštallamiid, semináraid ja kampánjjaid. SAIH:s eai leat persovnnalaš miellahtut, muhto báikkálaš searvvit, studeantademokratiijat, universitehtastivrrat ja studeanta- ja akademihkkarorganisašuvnnat miellahttoorganisašuvdnan. SAIH doarju 40 organisašuvnna 7 riikkas Latin-Amerihkás ja Lulit Afrihkás mat jođihit prošeavttaid alit oahpus ja vuoigatvuođavuođđuduvvon oahpahusain.