Politihkalaš váikkuheapmi
Norgga ovdáneami- ja olgoriikapolitihkka, ja norgga ealáhusberoštumit, váikkuhit iešguđetge láhkái oahpahusa ja ovdáneami Luliin. SAIH lea bellodatpolitihkalaš sorjjasmeahttun organisašuvdna man doaibma lea váikkuhit proseassaide Norggas main lea váikkuhus ovdáneapmái Luliin.
Solidaritehtaorganisašuvdnan háliida SAIH čalmmustahttit iešguđetge olbmuid eallindili Luliin, ja daid internašunála struktuvrraid ja daguid Davvin mat dagahit ja bisuhit eahpevuoiggalaš máilmmi. Dan barggu čađa man mii dahkat Norggas gaskkusta SAIH oaiviliid ovttasbargoguimmiin Luliin, ja gaskkusta jurdaga dan birra ahte oahpahus ja dihtomielalažžan dahkan leat dehálaš gaskaoamit ovddidit ovdáneami, sihke Davvin ja Luliin. SAIH lokte internašunála áššiid áššekártii universitehtain ja allaskuvllain miehtá Norgga kampánjjaid, semináraid ja digaštallamiid bokte, ja dan bokte ahte leat oidnosis studeanta- ja riikkamedias.
Veahkki okto ii sáhte dagahit vuoiggalaš máilmmi. Rikkes riikkat Davvin fertejit maiddá rievdadit politihka mii váikkuha negatiivvalaččat Luliid ovdáneapmái.