50 jaepieh mænngan SAIH gaavnehti mijjieh edtjimh studenth gihtjedh vïjhtekråvnam dovteginie vedtedh. Daan biejjien ånnetji vielie bïjre gihtjebe, jïh 200 000 studenth govhte universiteetine jïh 23 jïlleskuvline SAIH-luhkiekråvnah vedtieh. 91 % vierhtijste SAIH:n åssjelidie juhtieh. Ajve 9 % reeremasse juhtieh.

Dåarjoe lea jïjtjevyljehke jïh studenti jïjtsh demokrateles veeljeme åårganh dah, mah veeljieh mejtie edtjieh lïhtseginie årrodh SAIH:sne, jïh dagke aaj luhkiekråvnaöörnegem åtnose vaeltedh. Jeatjah dåarjoejgujmie ektine SAIH aktem budsjedtem åtna fïerhten jaepien 40 millijovnh kråvnine. Daej vierhtiejgujmie mijjieh abpe 40 voenges siebriej prosjekth dåarjoehtibie jollebe ööhpehtimmien, dotkemen jïh lïerehtimmien sisnjelen åarjel Afrijhkesne jïh Latin-Amerijhkesne. Lissine bïevnesh geerjehtibie jïh politihkeles tsevtsieminie barkebe.