Viehkie

SAIH ööhpehtimmine joekehtslaakan barka, jïh mijjieh åajvahkommes vïjhte teemajgujmie barkebe: akademihkeles frijjevoete jïh studentesolidariteete, aalkoealmetjh jïh afro-minngieboelvh, mijjen guvvie åerjielistie, tjoele jïh mïrrestalleme jïh seksuelle jïh reproduktijve reaktah. Daah teemah leah vihkeles jïh nænnoste mej guejmiejgujmie mijjieh laavenjostebe åarjene, jïh guktie mijjieh politihkeleslaakan barkebe.

Mijjieh vielie goh 40 siebrieh dåarjoehtibie 7 laantine Latin-Amerijhkesne jïh åarjel Afrijhkesne: Nicaragua, Colombije, Bolivije, Zambije, Åarjel-Afrijhke, Zimbabwe jïh Swazilaante. Bolivijesne, Nicaraguesne jïh Colombijesne mijjieh barkebe åajvahkommes aalkoealmetjigujmie jïh afro-minngieboelvi studentesiebriejgujmie dej reaktaj åvteste akten buerebe ööhpehtæmman, jïh studentesiebriejgujmie akademihkeles frijjevoeten gaavhtan. Zambijesne, Åarjel-Afrijhkesne jïh Zimbabwesne barkebe studente- jïh noeresiebriejgujmie mah aamhtesigujmie berkieh goh tjoele jïh mïrrestalleme, akademihkeles frijjevoete jïh seksuelle jïh reproduktijve reaktah.

Dåarjoe lohkehtæjjaööhpehtæmman Nicaraguesne lea låhkoem lohkehtæjjeste giehpiedamme mah eah byjjes lohkehtæjjaööhpehtimmiem utnieh dennie dajvesne 80 prosenteste 27 prosentese 13 jaepine. Dåarjoe studentesiebride Zimbabwesne lea viehkiehtamme feengkesovveme jïh huskeme studenth vielie goh 11 jaepieh. Åarjel-Afrijhkesne 8000 studenth leah lïerehtimmiem åådtjeme seksuelle jïh reproduktijve reaktaj jïh healsoen bïjre.