Politihkeles tsevtseme
Nöörjen evtiedimmie- jïh ålkoerijhkepolitihke, jïh nöörjen jielemeïedtjh, joekehtslaakan ööhpehtimmiem jïh evtiedimmiem Åarjene tsevtsieh. SAIH lea akte krirriepolitihkeles jïjtjeraarehke siebrie mij barkeminie prosessh Nöörjesne tsevtsedh mah konsekvensh utnieh evtiedæmman Åarjene.
Goh solidariteetesiebrie SAIH sæjhta tjoevkesem bïejedh guktie joekehts almetjh Åarjene veasoeminie, jïh dejtie gaskenasjovnaale struktuvride jïh dahkojde Noerhtene mah aktem ovreakta veartenen sjugniedieh jïh tjåadtjoehtieh. Dan barkoen tjïrrh mejnie Nöörjesne gïehtelibie, SAIH vuajnoeh buakta mijjen guejmijste Åarjene, jïh åssjalommesem buakta mij jeahta ööhpehtimmie jïh voerkelimmie leah vihkeles vierhtieh juktie evtiedimmiem eevtjedh, dovne Noerhtene jïh Åarjene. SAIH gaskenasjovnaale gyhtjelassh biejjeöörnegasse beaja universiteetine jïh jïlleskuvline abpe Nöörjesne viehkine kampanjijste, seminaarijste, digkiedimmijste jïh våajnoes årrodh studente- jïh rijhkemeedijesne.
Viehkie oktebisnie ij maehtieh aktem reakta veartenem sjugniedidh. Ræjhkoes laanth Noerhtene tjuerieh aaj politihkem jarkelidh mij evtiedimmiem nåakelaakan tsavtsa dejnie laantine Åarjene.